મુબઇહાલમાં IPOમાં જોરદાર તેજી જોવા મળી રહી છે. ખાસ વાત એ છે કે જે કંપનીઓ શેરબજારમાં પદાર્પણ કરી રહી છે તે ન માત્ર સારી લિસ્ટિંગ મેળવી રહી છે પરંતુ રોકાણકારોને સારું વળતર પણ આપી રહી છે. મંગળવારે શેરબજારમાં લિસ્ટ થયેલા ફર્સ્ટ ક્રાય તેનું તાજેતરનું ઉદાહરણ છે. હવે રોકાણકારો અન્ય કંપની પર વધુ ધ્યાન કેન્દ્રિત કરી રહ્યા છે. જેના માટે બે દિવસમાં 16 ગણાથી વધુ સબ્સક્રિપ્શન મળ્યા છે. આ કંપનીનું નામ સરસ્વતી સાડી ડેપો છે. આવો તમને એ પણ જણાવીએ કે આ IPOને લઈને કેવા પ્રકારની વિગતો બહાર આવી છે. સાડી ઉત્પાદક કંપની સરસ્વતી સાડી ડેપોના શેર માટે રોકાણકારોનો ધસારો જોવા મળી રહ્યો છે. રોકાણકારો તેનો IPO ખરીદવા માટે ધસારો કરી રહ્યા છે. ખાસ વાત એ છે કે બીજા દિવસે આ કંપનીનો IPO 16થી વધુ વખત સબસ્ક્રાઇબ થયો છે. NSEના ડેટા અનુસાર, રૂપિયા 160 કરોડના IPOને 1,00,00,800 શેરની ઓફર સામે 16,33,54,410 શેર માટે બિડ મળી હતી, જે 16.33 ગણા જેટલું છે. નિષ્ણાતોનું માનીએ તો છેલ્લા દિવસોમાં વધુ વધારો જોવા મળી શકે છે.
શેરબજારમાં સાડી ડેપો IPOનુ 16 ગણું સબ્સ્ક્રિપ્શન
