ભચાઉ-ગાંધીધામ કોરિડોર હાઈવે પર મીઠી રોહર નજીક લાકડાના ગોડાઉનમાં ભીષણ આગ લાગવાની ઘટના બની હતી. શંકર ટીમ્બર માર્ટ નામના લાકડાના ગોડાઉનમાં આગ લાગી છે. જ્યા આગ લાગી છે તેને અડીને જ પેટ્રોલ પંપ હોવાથી લોકોમાં ડર ફેલાયો છે. ઘટનાની જાણ થતાં ફાયર વિભાગની ટીમે ઘટનાસ્થળ પર પહોંચી આગ ઓલવવાની કવાયત શરૂ કરી હતી.
આ ઘટના બાબતે મળતી માહિતી અનુસાર, ગાંધીધામ-ભચાઉ હાઇવે પર મીઠી રોહર નજીક ટીમ્બરના લાકડાના જથ્થામાં ફાટી નીકળતા અફરા તફરીનો માહોલ સર્જાયો છે. આ ઘટના સ્થળની બાજુમાં જ પેટ્રોલ પંપ આવેલો છે.આગની જાણ થતાં જ ભચાઉ અને ગાંધીધામ ફાયર વિભાગની ટીમો પણ તાત્કાલિક સ્થળ પર પહોંચી ગઈ છે. ફાયર ફાઈટર્સ આગને કાબૂમાં લેવા માટે સખત મહેનત કરી રહ્યા છે.
આ મામલે સ્થાનિક લોકોના જણાવ્યાનુસાર, સંભવિત ગરમીના કારણે લાકડા વચ્ચેના ભૂંસામાં આગ લાગી છે, જેણે હાલ વિકરાળ સ્વરૂપ ધારણ કરી લીધું છે. નેશનલ હાઇવે બંને તરફથી બંધ કરી દેવામાં આવ્યો છે.
