ગાંધીનગર,
કલેક્ટરશ્રી,ગાંધીનગર મેહુલ દવે ના માર્ગદર્શન અને મદદનીશ ભુસ્તરશાસ્ત્રી પ્રણવ સિંહ ની સુચના હેઠળ ગાંધીનગર જીલ્લાના મદદનીશ ભુસ્તરશાસ્ત્રીની કચેરી, ભુસ્તર વિજ્ઞાન અને ખનિજ ખાતું ની ક્ષેત્રીયટીમ દ્વારાજિલ્લામાં ખનિજના બિનઅધિકૃત ખનન, વહન અને સંગ્રહ અટકાવવા કરવામાં આવતી સતત કામગીરી દરમ્યાન તા.૨૦/૦૩/૨૦૨૫ ના રોજકાર્બોસેલ ખનિજના બિનઅધિકૃત વહન સબબ ૦૨ વાહન ડમ્પરો જપ્ત કરવામાં આવેલ છે. જેકાર્બોસેલ ખનિજ ભરેલા ડમ્પરો થાનગઢથી આવતા હોઈ અત્રેની કચેરીના માઈન્સ સુપરવાઈઝર શ્રી રણછોડભાઈ આયર દ્વારા જપ્ત કરવામા આવેલ. તેમજ અન્ય એક ડમ્પરમાં સાદીરેતી ખનીજનું રોયલ્ટી પાસ કરતા વધુ ઓવરલોડ વહનકરતા પકડવામાં આવ્યા છે. જેમાં તારાપુર પાટીયા,તા. જી. ગાંધીનગર ખાતેથી ડમ્પર નં GJ-13-AW-7177માં કાર્બોસેલ ખનીજનું રોયલ્ટી પાસ વગર બિનઅધિકૃત વહન કરતા તથા વાહન ડમ્પર નં GJ-03-BZ-6661માં કાર્બોસેલ ખનીજનું રોયલ્ટી પાસ કરતા વધુ બિનઅધિકૃત વહનકરતા અને છત્રાલ કલોલ હાઇવે, તા.કલોલ,જી. ગાંધીનગર પાસેથી વાહન ડમ્પર નં NL-07-AA-4387માં સાદીરેતી ખનીજનું રોયલ્ટી પાસ કરતા વધુ ઓવરલોડ વહનકરતા પકડવામાં આવેલ છે.
આમ,કાર્બોસેલ ખનિજ અને સાદીરેતીખનિજના બિનઅધિકૃતતેમજ રોયલ્ટી પાસ કરતા વધુ બિનઅધિકૃત વહન કરતા કુલ૦૩વાહનોના કુલ આશરે ૦૧.૧૦કરોડનો મુદ્દામાલ જપ્ત કરવામાં આવેલ છે.જે જપ્ત કરેલ વાહનોના વાહનમાલિકો વિરૂધ્ધ ગુજરાત મિનરલ (પ્રિવેન્શન ઓફ ઇલ્લીગલ માઇનીંગ, ટ્રાન્સપોર્ટેશન અને સ્ટોરેજ) નિયમો-૨૦૧૭ ના નિયમો હેઠળ દંડકીય કાર્યવાહી હાથ ધરવામાં આવશે.
