કૈરોલિના,
અમેરિકામાં ફરી એકવાર ફાયરીંગની ઘટના ઘટી હતી જેમાં ઉત્તરી કૈરોલિના સ્થિત કોલેજમાં એક વિદ્યાર્થીની ગોળી મારીને હત્યા કરી દેવામાં આવી છે. તો બીજી તરફ અન્ય 6 લોકો ઘાયલ થયા હોવાના અહેવાલ પ્રાપ્ત થયા છે. આ ઘટના બાદ કોલેજમાં ખળભળાટ મચી ગયો હતો અને કોલેજો થોડા દિવસ માટે બંધ કરી દેવામાં આવી છે.
આ ઘટના એલિઝાબેથ સિટીની યુનિવર્સિટીની છે. અહીં યાર્ડ ફેસ્ટ દરમિયાન અચાનક ગોળીબારી શરૂ થઇ. આ ઘટના બાદ યૂનિવર્સિટીમાં દોડધામ મચી ગઇ હતી. પોલીસ કેસની તપાસ કરી રહી છે.
જોકે નૉર્થ કૈરોલિના યૂનિવર્સિટીના પરિસરમાં યાર્ડ ફેસ્ટ ચાલી રહ્યો હતો. બ્લેક યૂનિવર્સિટીમાં આયોજિત આ ફેસ્ટ અઠવાડિયા સુધી ચાલે છે. જોકે ફેસ્ટના અંતિમ દિવસે અહીં ગોળીબારીની ઘટના જોવા મળી હતી. આ ગોળીબારીમાં એક 24 વર્ષીય યુવકનું મોત નીપજ્યું હતું. તમામ ઇજાગ્રસ્તોની સારવાર ચાલી રહી છે.
ફાયરીંગની ઘટનામાં મૃતક વ્યક્તિ યૂનિવર્સિટીના વિદ્યાર્થી ન હતો. હજુ સુધી તેની ઓળખ જાહેર થઇ નથી. પોલીસે મૃતકના પરિવારને જાણ કરી છે. ગોળીબારીથી 3 વિદ્યાર્થી સહિત 4 લોકો પણ ઘાયલ થયા છે. આ દરમિયાન નાસભાગમાં 2 અન્ય વિદ્યાર્થીઓને ઇજા પહોંચી છે.
આ ફાયરીંગની ઘટનાના થોડા સમય બાદ યૂનિવર્સિટીએ લોકડાઉન હટાવીને પરિસરમાં પેટ્રોલિંગ વધારી દીધું છે અને મુખ્ય પરિસર હજુ બંધ છે. વર્જીનિયાથી 80 કિલોમીટર દૂર સ્થિત આવેલી આ યુનિવર્સિટીમાં 2,300 વિદ્યાર્થીઓ અભ્યાસ કરે છે.
